Það verður mikil stemmning í Smárabíó í kvöld þegar kvikmyndin Independence Day verður sýnd í stærsta sal bíósins. Um leið og myndin er búin verður Independence Day: Resurgence sýnd.
Kvikmyndin Independence Day á stóran aðdáendahóp og hefur lengi verið talin vera hálfgerður hornsteinn epískra og yfirdrifinna '90s blockbuster-mynda. Myndin er rosaleg í alla staði eins og flestir muna eftir. Hún sýnir Jeff Goldblum á sinn heillandi og magnaða hátt sýna frammistöðu sem fáir geta leikið eftir.
Það verður ekki bara stuð í Smárabíói á eftir heldur var mikið stuð í henni Hollywood í gær þegar síðari myndin var frumsýnd við mikinn fögnuð.
Fyrri myndin hefst kl. 19 og verða þær báðar sýndar. Athugið að ekkert hlé verður gert meðan á sýningu myndanna stendur heldur á milli mynda.