Magnús Sigurbjörnsson eigandi Papaya og fyrrverandi framkvæmdastjóri borgarstjórnarflokks Sjálfstæðisflokksins hélt glæsilega afmælisveislu í Iðnó í tilefni af 30 ára afmæli sínu. Það var mikið um glaum og gleði en ein af afmælisgjöfunum til Magnúsar var hljómsveitin Úlfur Úlfur sem kom og gerði allt vitlaust. 

Það var systir hans, Áslaug Arna Sigurbjörnsdóttir, þingmaður Sjálfstæðisflokksins, sem gaf bróður sínum rapp í afmælisgjöf. 

Í afmælinu voru seldir drykkir og rann hluti af ágóðanum af áfengissölunni til Einstakra barna og Krafts en Magnús afþakkaði gjafir.

Eins og sjá má á myndunum var mikið stuð og stemning!