Kvikmyndin Undir trénu var frumsýnd hérlendis í gærkvöldi. Mikill stjörnufans var á frumsýningunni. Edda Björgvinsdóttir var glæsileg í ljósum kjól með vel blásið hár og Sigurður Sigurjónsson var skeggjaður og flottur í tauinu. 

Kvikmyndin hefur fengið gríðarlega góða dóma erlendis og því var mikill spenningur í Háskólabíó í gær þegar myndin var frumsýnd. 

Söguþráðurinn: 

Agnes grípur Atla við að horfa á gamalt kynlífsmyndband, hendir honum út og meinar honum að umgangast 4 ára dóttur þeirra. Atli flytur inn á foreldra sína sem eiga í deilu við fólkið í næsta húsi. Stórt og fagurt tré sem stendur í garði foreldranna skyggir á garð nágrannanna, sem eru orðin langþreytt á að fá ekki sól á pallinn. Á sama tíma og Atli berst fyrir umgengni við dóttur sína verður deilan um tréð sífellt harðari. Eignaspjöll eru framin og gæludýr hverfa á dularfullan hátt þegar sögusagnir um mann með keðjusög fara á kreik.