Tarantino veiddi maríulaxinn í Hítará

Leikstjórinn Quentin Tarantino er staddur hérlendis þessa dagana en hann lék á als oddi í garðpartíi Jóns Ólafssonar, oft kenndur við Skífuna, í síðustu viku. Í hádeginu í dag lauk veiði hjá hollinu sem Tarantino var hluti af. Á vef stangveiðifélagsins sést mynd af aflaklónni Tarantino og í fréttinni kemur fram að hollið hafi landað 30 löxum á þremur dögum. 

„Nú í hádeginu lauk holl veiðum í Hítará og gerði hollið góða veiði. Tæplega 30 laxar komu á land á þeim þrem dögum sem þeir voru við veiðar, það vakti þó kannski meiri athygli að í þessum hópi var hógvær maður sem flestir þekkja og er hann þekktur leikstjóri frá Bandaríkjunum. Gerði hann góða veiði og veiddi meðal annars maríulaxinn sinn í þessum túr,“ segir á vef SVFR.

• 1 blogg um fréttina

Bloggað um fréttina

• Jóhannes Ragnarsson: Öllum fjandanum dettur þeim í hug að ljúga að fólki