Ég er bíræfinn tilfinningaþjófur

Valur Grettisson með fyrstu eintökin af bókinni Gott fólk.
Valur Grettisson með fyrstu eintökin af bókinni Gott fólk.

„Ég hef alltaf verið að skrifa. Ég ætlaði að gerast ljóðskáld þegar ég var ungur maður og gekk svo langt að gefa út ljóðabókina Skýjamyndaárásir þegar ég var 24 ára gamall. Svo skyndilega var mér kippt inn á DV undir ritstjórn Mikaels Torfasonar og Jónasar Kristjánssonar og ég ákvað að einbeita mér að því að vera blaðamaður,“ segir blaðamaðurinn Valur Grettisson sem í vikunni gaf frá sér sína fyrstu skáldsögu sem heitir Gott fólk. Hann segir að skáldið hafi togað í sig.

„Úr varð að ég tók þátt í smásagnasamkeppnum til þess að fá útrás fyrir skáldagáfunni. Þannig tók ég þrisvar þátt í Gaddakylfunni og einu sinni í ástarsagnasamkeppni Vikunnar. Ég endaði alltaf í öðru sæti og var fyrir vikið uppnefndur silfurskáldið af félögum mínum,“ segir hann.

Skömmu fyrir jól 2013 breyttist margt í lífi Vals þegar hann missti vinnuna.

„Vendipunkturinn varð svo skömmu fyrir jól árið 2013 þegar ég var rekinn af Fréttablaðinu. Þá var Hanna Ólafsdóttir, kærasta mín, kasólétt og við eignuðumst okkar annað barn, Illuga, um miðjan nóvember. Þannig fékk ég smá svigrúm til þess að skrifa og byrjaði þá á gamalli hugmynd sem reyndist ansi léleg þegar hún var komin niður á blað. Það var samt ekki fyrr en í desember sem við Hanna vorum að kaupa föt á eldri strákinn sem hugmyndin um ábyrgðarferlið kom og vildi ekki fara úr huga mínum. Ég settist fljótlega niður við tölvuna og fyrstu kaflarnir skrifuðu sig eiginlega sjálfir. Þá þegar fann ég að ég var með eitthvað athyglisvert í höndunum.“

Hvernig blandast ábyrgðarferlið inn í bókina og hvers vegna ertu að spá í því?

„Ábyrgðarferlið er hreyfiaflið í bókinni og vakti áhuga minn af mörgum ástæðum. Meðal annars vegna þess að þarna taka konur, sem telja á sér brotið, réttlætið í eigin hendur og snúa skömminni upp á meinta brotamenn. Vandinn við þetta ferlið er þó það að ásakanirnar geta verið óljósar og það er engin eiginlega refsing kveðinn upp. Þá kemur upp sá vandi í sögunni, að söguhetjan, Sölvi, kannast alls ekki við að hafa brotið á ástkonu sinni. Fyrir vikið þarf söguhetjan að rétta yfir eigin tilfinningalífi og kanna hvernig hann braut á konunni sem sakar hann um andlegt og kynferðislegt ofbeldi.“

Kemur starf þitt sem blaðamaður, fyrst á DV og svo Fréttablaðinu, eitthvað inn í bókarskrifin?

„Já. Ég nota fjölmiðla mikið í sögunni. Söguhetjan vinnur sem menningarblaðamaður og er að auki gagnrýnandi í sjónvarpi. Þetta er heimur sem stendur mér nærri þó ég hafi aldrei unnið sem menningarblaðamaður. Söguframvindan er einnig knúin áfram að einhverju leyti með fjölmiðlum.“

Þegar Valur er spurður að því hvernig hann hafi skrifað bókina segir hann að hann hafi haft líf sitt í föstum skorðum.

„Ég hef alltaf verið nokkuð agað skáld. Ég vaknaði snemma og kom eldri stráknum í skólann og skrifaði svo fram eftir degi. Yfirleitt hætti ég upp úr hádeginu nema þegar ég hafði mjög skýra sýn hvert ég var að fara. Svo er náttúrulega helmingurinn af því að skrifa bók að skipuleggja hana í huganum. Ég reyndi líka að nýta kvöldin í að lesa yfir og betrumbæta kaflana. Svo tók ég helgarfrí og allt saman.

Ég lenti aldrei í neinum sérstökum vandræðum. Það var kannski helst eftir að Bjartur ákvað að gefa bókina út sem ég varð dálítið stressaður, því ég hafði eiginlega ekkert velt því mikið fyrir mér að gefa skáldverkið út, enda orðinn frekar vanur að skrifa ofan í skúffuna. Þannig lokametrarnir voru dálítið strembnir fyrir utan að ég var þá að vinna á fullu.“

Fórstu að horfa öðruvísi á fólkið í kringum þig eftir að þú byrjaðir að skrifa bókina?

„Nei, ekki þannig. Má kannski segja að ég horfi á margan hátt öðruvísi á samfélagið vegna blaðamennskunnar. Munurinn var þó sá að ég var meira vakandi yfir tilfinningum og upplifunum fólks þegar ég skrifaði bókina. Ég stal svo öllum þeim tilfinningum sem mér fannst athyglisverðar eða skemmtilegar. Það mætti segja að ég sé bíræfinn tilfinningaþjófur.

Nýttir þú reynsluna af því að vera rekinn í bókarskrifin?

„Það má frekar segja að ég hafi nýtt reynslu mína sem skáld frekar. Það er frægt að blaðamenn eigi erfitt með að aftengja sig blaðamennskunni og skrifa skáldsögu. Það ágæta við að vera rekinn var að ég sór þess dýran eið að hætta endanlega í blaðamennskunni, enda gífurlega krefjandi og erfitt starf og getur tekið verulega á. Þannig losaði ég mig við alla bagga blaðamennskunnar mjög fljótlega og hóf skrifin með nokkuð skýran huga. En auðvitað entist ég ekki lengi fyrir utan fjölmiðlana. Ég endaði á DV, þar sem ég hóf minn blaðmannaferil fyrir tæpum tíu árum síðan.“

Tókstu það nærri þér að missa vinnuna og hvernig dílaðir þú við það?

„Ég held að allir blaðamenn sem hafa starfað í faginu í lengur en korter taki ekki uppsögn sérstaklega nærri sér. Þetta er kvikur heimur og mikið af sviptingum. Mér var frekar létt heldur en hitt. Ég upplifði tækifæri í því að vera rekinn. Besta leiðin til þess að halda áfram og þróast í betri átt er að upplifa breytingar. Og það er kannski illskásta leiðin til þess að takast á við uppsögn. Ég erfi ekkert við einn eða neinn, enda reyndist þetta hugsanlega með bestu tækifærum sem ég hef fengið í lífinu, og fyrir það er ég bara nokkuð þakklátur.“

mbl.is

Fimm á dag ekki nóg fyrir frú Trump

15:00 Melania Trump er þekkt fyrir gæsilega framkomu enda fyrrverandi fyrirsæta. Forsetafrúin passar hvað hún setur ofan í sig og er ekki hrifin af tískumegrunarkúrum. Meira »

Á allt of mikið af snyrtivörum

12:00 Tónlistarkonan Svala Björgvins er þekkt fyrir líflegan stíl og litríka förðun. Það er því ekki úr vegi að fá að forvitnast aðeins um förðunarrútínuna hennar. Meira »

Baráttan við ellina, hvað er til ráða?

09:00 Það er aldrei of seint að fara hugsa um húðina því hún er jú stærsta líffærið okkar. Húðin þarf umhyggju og rétta meðhöndlun. Þegar við eldumst verða þarfirnar aðrar og taka þarf mið af því þegar húðvörur eru valdar. Meira »

Sambandsráð úr Hollywood

06:00 Þó svo að flest hjónabönd í draumaborginni Hollywood endist illa þá eru sum sambönd sem virðast sterk og innileg. Stjörnurnar gáfu nokkur ráð sem nýtast pörum hvar í heiminum sem er. Meira »

Kate Moss notar engin leynitrix

Í gær, 23:59 Ofurfyrirsætan Kate Moss er byrjuð að hugsa betur um sjálfa sig enda byrjuð að eldast, orðin 43 ára gömul kona. Svo virðist sem Moss hafi ekki beitt neinum galdrabrögðum til að líta vel út þegar hún var á hátindi ferils síns. Meira »

Birkin-töskur í tugatali í töskuherberginu

Í gær, 21:00 Kylie Jenner er bara tvítug en þrátt fyrir það á hún ekki bara fataherbergi heldur líka töskuherbergi. Á meðan margar konur eiga eina uppáhaldstösku getur Jenner skipt oftar um töskur en nærbuxur. Meira »

Ljótustu skópör allra tíma

í gær Sumir skór eru einfaldlega svo ljótir að ótrúlegt er að einhver skuli hafa haft hugmyndaflug til að hanna þá.   Meira »

Fagnaði ákaft á Kaffibarnum

Í gær, 18:00 Börkur Gunnarsson var að gefa út bókina Þeir og er hún númer tvö í þríleik. Fyrsta bókin í þessum þríleik heitir Hann.   Meira »

Berglind með gott partí

í gær Matarbloggarinn og hjúkrunarfræðingurinn Berglind Guðmundsdóttir hélt glæsilegt teiti í gær vegna útkomu bókarinnar Gulur, rauður, grænn og salt. Meira »

„Það má alltaf bæta í safnið“

í gær Lína Birgitta Camilla Sigurðardóttir er með fágaðan smekk og hefur mikið dálæti á fallegum töskum. Það er því ekki úr vegi að fá að forvitnast aðeins um herlegheitin, en Lína Birgitta sat fyrir svörum. Meira »

Jólapartí Stellu á Hverfisbarnum

í gær Stella Artois hélt sitt árlega jólapartí á dögunum en það var haldið til að fagna hátíðarútgáfu Stella Artois í 750 ml flösku. Teitið var haldið á Hverfisbarnum og var afar vel mætt. Meira »

Hélt fram hjá með vinkonu kærustunnar

í fyrradag „Hún hallaði sér að mér og kyssti mig um leið og við komum inn. Eitt leiddi af öðru og við enduðum á því að stunda kynlíf. Ég fór heim eftir það og sá strax eftir því sem ég hafði gert.“ Meira »

Hallgrímur og Agla fögnuðu Fuglum

í fyrradag Íslenskir fuglar eru í forgrunni í bókinni Fuglar eftir Hjörleif Hjartarson og Rán Flygering. Henni var fagnað ákaft í sal Grafíkfélagsins við Tryggvagötu í gærkvöldi. Meira »

Arnar og Jón kunna að halda partí

17.11. Veitingastaðurinn Library opnaði á dögunum í Keflavík. Af því tilefni var blásið til teitis á staðnum sjálfum og var aldeilis stuð og stemning. Arnar Gauti Sverrisson og Jón Gunnar Geirdal sáu um að breyta staðnum, búa til nýjan matseðil og hönnuður stemningu sem þykir ákaflega eftirsóknarverð. Meira »

Konungleg veisla í Norræna húsinu

17.11. Konunglega norska sendiráðið á Íslandi og John Lindsay hf. buðu til makrílsveislu í Norræna húsinu í gær. Tilefnið var að hinn vinsæli norski Stabburet-makríll er kominn á markað hér á landi. Meira »

Kynlífið ekki forgangsatriði

16.11. „Kynlíf og samskipti voru góð til að byrja með en nú segist hún oft vera of þreytt, stressuð eða veik. Hún segir að kynlíf sé ekki forgangsatriði hjá henni og byrjar það eiginlega aldrei þrátt fyrir að vera hrifin af kúri og keleríi.“ Meira »

Rúnar og Guðrún eignuðust son

17.11. Rúnar Freyr Gíslason og Guðrún Jóna Stefánsdóttur eignuðust son í nótt. Sonurinn er barn númer sex í barnahópnum.   Meira »

Stuð á kvennakvöldi Ellingsen

17.11. Það var stemning úti á Granda þegar Ellingsen hélt konukvöld í gær. Dj Sóley og Dj Dóra sáu um tónlistina. Svo var fantafínn afsláttur og var hann nýttur til fulls. Meira »

Fötin sem koma þér á stefnumót

17.11. Það er ekki sama í hverju við erum þegar markmiðið er að heilla tilvonandi elskhuga. Ákveðnar flíkur eru betri en aðrar.   Meira »

Clinton og Trump ekki svo ólík

16.11. Hillary Clinton og Donald Trump eiga það sameiginlegt að hafa keppst um forsetastól Bandaríkjanna. Þegar betur er gáð kemur í ljós að þau ekki með svo ósvipað hár auk þess að þau hafa klæðst svipuðum fötum. Meira »