„Mig langar að benda fólki á hvernig oft á tíðum er skrifað um þjóðþekktar manneskjur í fjölmiðlum. Nú er búið að bendla mig við enn einn manninn sem aldrei hefur verið annað en vinur minn, einfaldlega vegna þess að við skrifuðum grein saman um dýravelferð, það þurfti ekki meira til. Jafnvel þótt Árni hafi neitað fyrir að við værum par, er viðkomandi ritstjóri hafði samband við hann (og birti samskipti þeirra), er þessu engu að síður slegið upp. Afsakið orðbragðið en mikið djöfull er ég komin með nóg af þessu bulli,“ segir Linda Pétursdóttir eigandi vefsins Linda.is og alheimsfegurðardottning á Facebook-síðu sinni.
Þegar hún nefnir Árna þá er hún að tala um Árna Snævarr fyrrverandi fréttamann. Hún segir að Eiríkur Jónsson ritstjóri Séð og Heyrt hafi spyrt þeim saman og það sé ekki rétt að þau séu par.