Herra H&M á leið til Íslands

Framkvæmdastjóri H&M, Karl-Johan Persson, mun mæta á opnun H&M í Smáralind 26. ágúst. Hann er milljarðamæringur og barnabarn, Erlings Persson stofnanda H&M. Karl-Johan tók við framkvæmdastjórastarfinu 2009. Hann er fæddur 23. mars 1975 og er stórstjarna í Svíþjóð. Þegar hann og eignkona hans, Leonie Gillberg, giftu sig árið 2002 þá var Viktoría Krónprinsessa Svíþjóðar meðal gesta.

Undirrituð hitti Karl-Johan í höfuðstöðvum H&M í Stokkhólmi í vikunni og sagði hann að Ísland hefði lengi verið á kortinu hjá þeim. Hann sagði jafnframt að hann væri mjög spenntur fyrir þessari opnun og útilokaði ekki að fleiri verslanir í eigu H&M muni opna á Íslandi. Eins og H&M Home, Other Stories, Cos, Monki og Weekday svo eitthvað sé nefnt. 

Hann sagði að það það tæki tvö ár að undirbúa opnun á H&M verslun og það hafi verið unnið hörðum höndum að þessari opnun síðan 2015. Þegar hann var spurður að því hvort ferðamannastraumur til Íslands hefði haft áhrif játaði hann því. 

Fyrirtækið H&M var stofnað árið 14947 af Erling Persson, afa Karls-Johans. Fyrirtækið fagnar 70 ára afmæli á þessu ári en fyrsta Hennes verslunin var staðsett í Västerås í Svíþjóð. 

Árið 1968 sameinaðist veiðiverslunin Mauritz Widforss við Hennes og var nafninu breytt í Hennes & Mauritz. Árið 1982 tók sonur Erlings, Stefan Persson yfir framkvæmdastjórn fyrirtækisins en hann sinnti því starfi til 1998. 

Í árslok mun H&M reka verslanir í 69 löndum. 

Karl-Johan Persson tók við starfi framkvæmdastjóra H&M árið 2009.

Karl-Johan Persson.

• Blogga um frétt