Justin Jedlica hefur farið í 191 fegrunaraðgerð og er hvergi nærri hættur. Hann tekur útlitið alvarlega og hannar sínar eigin sílikonfyllingar sjálfur. Í seinustu aðgerðinni sem hann fór í fékk hann „vöðva“ í bakið.
Jedlica hefur eytt rúmum 30 milljónum króna í fegrunaraðgerðir síðan hann byrjaði að láta breyta sér. Ken-dúkkan er fyrirmyndin hans og markmiðið er að verða alveg eins og plastdúkkan fræga. Jedlica kveðst ekki ætla að hætta að leggjast undir hnífinn fyrr en hann er orðinn „100 prósent úr plasti“.
Vildi frá „vængi“ á bakið
Meðal þeirra aðgerða sem Jedlica hefur gengist undir eru fimm nefaðgerðir, fyllingar í axlir og aðgerð á höku. Stoltastur er hann þó að nýjustu aðgerðinni. „Fyllingarnar í bakinu eru einstakar þar sem ég hannaði og bjó þær til sjálfur,“ útskýrði Jedlica í þáttunum Botched sem sýndir eru á E!. „Ég vil að ég líti út fyrir að vera með vængi,“ sagði Jedlica sem lét koma fjórum fyllingarpúðum fyrir í bakið.
Jedlica virðist vera tilbúinn að fórna heilsunni fyrir útlitið því nýverið tók hann mikla áhættu þegar hann lét fjarlægja æðar úr enninu á sér þrátt fyrir að læknar ráðlögðu honum að gera það ekki. „Þetta var hættuleg aðgerð vegna þess að ég hefði getað blindast,“ sagði Jedilica í viðtali við Daily Mail.