Katrín, hertogaynja af Cambridge, er jafnan óaðfinnanleg til fara. Hún hefur oft vakið eftirtekt fyrir að nýta fötin sín vel og klæðast fatnaði sem ekki kostar annan handlegginn. Skartið hennar er þó jafnan í dýrari kantinum.
Á dögunum skellti Katrín sér í gala-kvöldverð og klæddi sig að sjálfsögðu upp í tilefni þess. Fyrir valinu varð grænn blúndukjóll úr smiðju Temperley London.
Við kjólinn bar hún forláta eyrnalokka frá hönnuðinum Kiki McDonough, sem samkvæmt frétt Telegraph kosta 8.900 sterlingspund eða tæplega 1,3 milljónir íslenskra króna.