Samkvæmt nýrri rannsókn sem The Telepgraph greinir frá eru kvenkyns gínur allt of léttar og setja þær þrýsting á konur. En margar konur bera sig ósjálfrátt saman við gínur þegar þær máta föt, hins vegar er ekki raunhæft að vera svona óeðlilega mjór eins og gínurnar eru.
Hópur vísindamanna við Liverpool University komst að því að allar þær kvenkyns gínur sem skoðaðar voru í rannsókninni voru of léttar á móti átta prósentum karlkyns gína.
Rannsóknin leiddi það í ljós að gínurnar sem voru notaðar til þess að auglýsa kventísku voru óraunverulegar og myndu læknar telja þær óheilbrigðar ef þær væru manneskjur. Dr. Eric Robinson sem leiddi rannsóknina sagði gínurnar vera óhugnanlega mjóar og það væri mikilvægt að breyta þessu vegna þess hvaða hugmyndir ungt fólk hefur um líkamsímynd.
Rannsóknin kemur fram bara nokkrum vikum eftir að Topshop komst í blöðin fyrir að nota horaðar gínur í búðum sínum. Notendum á samfélagsmiðlum var svo brugðið að þeir kölluðu gínurnar fórnarlömb hungursneyðar.