Drottningar maskaranna

Í sumartískunni er lögð mikil áhersla á þykk og löng augnhár. Þær sem ekki eru með augnháralengingar geta gert augnhárin löng, þykk og falleg með því að nota góða maskara.

Drottning maskara er án efa Lash queen perfect black frá Helena Rubinstein. Maskarinn er smitfrír og klessir ekki augnhárin þótt hann þétti þau umtalsvert. Þetta er án efa maskari fyrir uppteknar konur því hann helst allan daginn.

They're real maskarinn frá Benefit er einn mest seldi maskarinn í Bretlandi. Hann lengir augnhárin svo mikið að fólk þarf að gæta þess að vera ekki með maskaraklessur undir augabrúnunum. Ef sá vandi er frátalinn er þessi maskari algerlega fullkominn. Hann þykkir og lengir og dugir allan daginn og alla nóttina.