Keypti kjólinn í Feneyjum

Edda Björgvinsdóttir leikkona sem á stjörnuleik í kvikmyndinni Undir trénu sem frumsýnd var hérlendis í gærkvöldi klæddist glæsilegum slæðukjól í Háskólabíói. Þegar ég hafði samband við Eddu og spurði hana út í kjólinn sagði hún að kjóllinn hefði að sjálfsögðu verið keyptur í Feneyjum þar sem hún var stödd á dögunum þar sem kvikmyndin Undir trénu fékk mikið lof.

„Kjóllinn var keyptur í svaka flottri búð á Markúsartorginu í Feneyjum. Ég er búin að steingleyma nafninu en ég var ekki fyrr komin í dýrlega slæðukjólinn í glampandi sól en það skullu á þrumur og eldingar og brjáluð rigning. Ég varð því gegnblaut á einni mínútu,“ segir hún og hlær.

Sigurður Sigurjónsson og Edda Björgvinsdóttir leika hjón í myndinni. mbl.is/Kristinn Magnússon

• Blogga um frétt