Einn stærsti tískuáhrifavaldur í heiminum í dag, Pernille Teisbæk, tók á móti franska Vogue á dögunum og bauð þeim í heimsókn á heimili sitt í Kaupmannahöfn. Teisbæk, sem er dönsk, býr ásamt eiginmanni sínum og fjórum börnum í glæsilegu húsi sem þau keyptu rétt áður en kórónuveiran skall á. 

Í innlitinu kennir ýmissa grasa en heimili Teisbæk er innréttað eftir ráðandi tískustraumum þar sem ljósir litir, marmari, fulningaklæðningar og risastór stáleyja ráða ríkjum. Falleg húsgögn prýða heimilið frá þekktum hönnuðum. Hún talar þó ekki bara um húsgögn því í viðtalinu deildi hún húðrútínu sinni. Teisbæk sagði frá því að hún kysi að vera sem náttúrulegust til þess að leyfa sinni skandínavísku fegurð að njóta sín. Það vakti athygli að Teisbæk notar sömu húðvörur og margar íslenskar konur. Nefnilega EGF serumið frá Bioeffect.

„Ein af uppáhalds vörunum mínum er þetta serum frá Bioeffect. Ég nota það bæði kvölds og morgna. Stundum er það eina varan sem ég nota þar sem það gefur húðinni minni mikinn raka og fallegan ljóma,“ segir Teisbæk í viðtalinu. 

 Hér fyrir neðan er hægt að horfa á innlitið heima hjá Teisbæk:  

Hér er hún í ljósum jakkafötum í ljósum Eames-stól sem prýðir heimilið. Ljósmynd/Instagra

Á heimilinu eru falleg húsgögn. Þar á meðal Terrazza sófinn í svörtu leðri. Ljósmynd/Instagram

Tengdar fréttir

Snyrtibuddan

10 hugmyndir að sumargjöfum frá þér til þín

• Í toppmálum á brúðkaupsdaginn
• „Ég er alltaf með neglur á mér og hef verið síðan í 10. bekk“
• 10 hlutir sem eru ómissandi fyrir árshátíðina
• Svona gerir þú rodeó-förðun í anda Bellu Hadid

» Fleiri tengdar fréttir

• Blogga um frétt