Farði sem keyrir upp kynþokkann

Kvenpeningurinn leitar stöðugt að töfralausnum til að bæta útlit sitt. Allar viljum við vera gordjöss og flestar eru til í að gera hvað sem er til þess að það takist. Eitt af því sem skiptir miklu máli er að nota réttan farða sem gerir eitthvað fyrir okkur og virkar ekki eins og meikgríma í andlitinu.

Kristjana Rúnarsdóttir hjá Lancôme farðaði Söru Reginsdóttir og Andreu Magnúsdóttur með Visionnaire-farðanum frá Lancôme og var útkoman góð. „Ég myndi segja að þetta væri hinn fullkomni farði. Hann er ekki bara með fallegri áferð heldur einnig með mikilli virkni. Í honum eru sömu virku efni og í húðdropunum frá Visionnaire Lancôme. Farðinn dregur úr opnum húðholum og vinnur á brúnum blettum. Auk þess er hyljari í lokinu sem er frábær undir augun,“ segir Kristjana.

Kristjana farðaði Söru og Andreu léttri sumarförðun með þeim litum sem verða heitastir í sumar.