Nicola Griffin, fyrirsæta á sextugsaldri, er elsta konan sem prýtt hefur sundfatahefti Sports Illustrated.
Frétt mbl.is: Sú elsta sem birtist í Sports Illustrated
Griffin, sem er 56 ára, hóf fyrirsætustörf eftir að börn hennar fluttu að heiman. Að eigin sögn var það gert til að hafa eitthvað fyrir stafni. Nú hefur hún hinsvega slegið í gegn, og prýðir um þessar mundir síður tímaritsins SliNK líkt og fram kemur í frétt Daily Mail.
„Þegar maður verður 56 ára veit maður ekki hversu langt maður á eftir á þessari jörð. Svona lítur maður út og maður ætti að fagna því,“ segir Griffin.
„Ég hef verið ung, ég hef verið áhyggjufull, ég hef verið undir álagi og þannig vil ég ekki láta mér líða lengur. Ég er ákveðin í að njóta hvers dags og grípa hvert tækifæri. Þetta virðist vera minn tími og ég er reglulega hamingjusöm. Lífið hefst tvímælalaust eftir fimmtugt.“