Siggi og Gústi áfram í ÍBV

Úgönsku knattspyrnumennirnir Andrew Mwesigwa og Augustine Nsumba skrifuðu í dag undir nýja samninga við ÍBV og munu því leika með liðinu í Landsbankadeildinni á næstu leiktíð.

Mwesigwa, eða Siggi eins og hann er stundum kallaður í Eyjum, kom til ÍBV árið 2006 og lék 15 leiki með liðinu það sumarið en þá féll ÍBV úr efstu deild. Hann skrifaði undir samning út árið 2011.

Augustine Nsumba, eða Gústi, skrifaði undir samning út árið 2010 en hann kom til ÍBV um mitt sumar á síðasta ári.

Mwesigwa leikur alla jafna í vörninni en Nsumba sem kantmaður. Þeir voru báðir valdir í lið ársins af þjálfurum og fyrirliðum liða í 1. deild nú nýverið, en það var vefsíðan fótbolti.net sem stóð fyrir kjörinu.

• 1 blogg um fréttina

Bloggað um fréttina

• Gísli Foster Hjartarson: Þá verður kátt í kotinu!!!