Íþróttir | Íslenski fótboltinn | mbl | 19.7.2010 | 21:09

Glænýr Gjorgi bjargaði stigi Grindvíkinga

Gilles Mbang Ondo hefur verið frábær fyrir Grindavík uppá síðkastið. Eggert Jóhannesson

Grindvíkingum tókst á heimavelli að herja út jafntefli gegn Stjörnunni í gærkvöldi þegar 12. umferð lauk í kvöld. Gjorgi Manevski, sem lenti fyrr í dag, skoraði jöfnunarmark heimamanna á 88. mínútu.

Garðbæingar héldu vörn sinni þéttri og leyfðu heimamönnum að spila fyrir utan en voru snöggir fram og Ellert Hreinsson skoraði á 19. mínútu. Eftir það var ekki mikið um að vera, mikið andleysi hjá Grindvíkingum en gestirnir héldu sínu. Gætti sín þó ekki á Gjorgi, sem jafnaði í lokin.

Stjarnan er því eftir sem áður í 8. sæti deildarinnar en Grindavík komst af botninum, upp fyrir Hauka með þessu eina stigi.

Lið Grindavíkur: Óskar Pétursson, Auðun Helgason, Jóhann Helgason, Matthías Örn Friðriksson, Scott Ramsay, Orri Freyr Hjaltalín,Loic Mbang Ondo, Gilles Mbang Ondo, Jósef Kristinn Jósefsson, Grétar Ólafur Hjartarson, Hafþór Ægir Vilhjálmsson.

Varamenn: Rúnar Þór Daníelsson, Óli Baldur Bjarnason, Ray Anthony Jónsson, Gjorgi Manevski, Páll Guðmundsson, Jóhann Helgi Aðalsteinsson, Alexander Magnússon.

Lið Stjörnunnar: Bjarni Þórður Halldórsson, Tryggvi Sveinn Bjarnason, Jóhann Laxdal, Björn Pálsson, Daníel Laxdal, Halldór Orri Björnsson, Bjarki Páll Eysteinsson, Þorvaldur Árnason, Arnar Már Björgvinsson, Baldvin Sturluson, Ellert Hreinsson.

Varamenn: Magnús Karl Pétursson, Birgir Rafn Baldursson, Birgir Hrafn Birgisson, Hilmar Þór Hilmarsson, Hafsteinn Rúnar Helgason, Víðir Þorvarðarson, Marel Jóhann Baldvinsson.