Patrick Pedersen, markakóngur úr Val, var besti erlendi leikmaðurinn í Pepsi-deild karla í fótbolta árið 2015, samkvæmt einkunnagjöf Morgunblaðsins.
Pedersen fékk 13 M í leikjunum 20 sem hann lék með Val í deildinni, jafnmörg mörkunum sem hann gerði fyrir Hlíðarendaliðið.
Gunnar Nielsen, landsliðsmarkvörður Færeyja, kom næstur með 11 M í 20 leikjum með Stjörnunni.
Í íþróttablaði Morgunblaðsins í dag er ítarleg umfjöllun um einkunnagjöf ársins. Þar er að finna lið ársins, úrvalslið erlendra leikmanna, úrvalslið yngri leikmanna, úrvalslið eldri leikmanna, dómara ársins, og fimm bestu leikmenn í hverju liði Pepsi-deildar karla.