Íslenska U17 ára landslið kvenna í knattspyrnu hafði betur gegn Svíum, 1:0, í fyrsta leik sínum í milliriðli Evrópumótsins en riðillinn er spilaður í Portúgal.
Stefanía Ragnarsdóttir leikmaður Þróttar Reykjavíkur skoraði sigurmarkið á 8. mínútu og skömmu síðar átti hún skot í stöngina. Ísland mætir Spáni á fimmtudaginn og síðasti leikurinn verður á móti Portúgal á sunnudaginn.
Sigurliðið í riðlinum kemst í átta liða úrslit Evrópukeppninnar í sumar og þá kemst eitt lið með bestan árangur í milliriðlunum sex einnig þangað.
Byrjunarlið Íslands var þannig skipað:
Markmaður: Birta Guðlaugsdóttir
Hægri bakvörður: Eygló Þorsteinsdóttir
Vinstri bakvörður: Daníela Dögg Guðnadóttir
Miðverðir: Guðný Árnadóttir og Sóley María Steinarsdóttir
Miðja: Alexandra Jóhannsdóttir (fyrirliði), Stefanía Ragnarsdóttir og Hulda Björg Hannesdóttir
Hægri kantur: Hlín Eiríksdóttir
Vinstri kantur: Karólína Lea Vilhjálmsdóttir
Framherji: Sveindís Jane Jónsdóttir