Fimm breytingar á byrjunarliði Íslands
Setja bókamerki
Þorsteinn Halldórsson, þjálfari íslenska kvennalandsliðsins í knattspyrnu, hefur tilkynnt byrjunarliðið fyrir leik liðsins gegn Danmörku í lokaumferð riðils 3 í A-deild Þjóðadeildar UEFA í kvöld.
Þorsteinn gerir alls fimm breytingar á byrjunarliðinu frá því í 2:1-sigrinum á Wales á föstudagskvöld.
Fanney Inga Birkisdóttir byrjar í markinu í sínum fyrsta A-landsleik auk þess sem Guðný Árnadóttir, Alexandra Jóhannsdóttir, Diljá Ýr Zomers og Agla María Albertsdóttir koma inn í byrjunarliðið.
Telma Ívarsdóttir, sem hefur staðið í markinu í undanförnum leikjum, tekur út leikbann en þær Ingibjörg Sigurðardóttir, Hildur Antonsdóttir, Hafrún Rakel Halldórsdóttir og Sandra María Jessen tylla sér á varamannabekkinn.
Byrjunarlið Íslands (4-3-3):
Mark: Fanney Inga Birkisdóttir.
Vörn: Guðný Árnadóttir, Glódís Perla Viggósdóttir (fyrirliði), Guðrún Arnardóttir, Sædís Rún Heiðarsdóttir.
Miðja: Alexandra Jóhannsdóttir, Selma Sól Magnúsdóttir, Karólína Lea Vilhjálmsdóttir.
Sókn: Agla María Albertsdóttir, Hlín Eiríksdóttir, Diljá Ýr Zomers.
Ökuníðingur enn í haldi – „Mildi að ekki fór verr“
Innviðagjald skili 30 milljörðum
„Eigum eftir að sjá miklar sviptingar“
Fullyrðir að kindurnar beri ekki eftirlitslausar
Níu milljónir í auglýsingar til erlendra miðla
Óásættanlegt hversu langan tíma viðræður hafa tekið
Hægist á eftir mikinn uppgang