,,Það er stór munur á að lenda í þriðja sæti eða því fjórða á móti eins og þessu og ég veit að við mætum alveg dýrvitlausir. Það er kannski skrýtið fyrir mig, 19 ára gamlan sem er að keppa á mínu fyrsta stórmóti, er að vera drullufúll yfir því að vera spila um þriðja sætið," sagði Aron Pálmarsson við mbl.is en hann átti frábæra innkomu í fyrri hálfleik gegn Frökkunum í gær og skoraði 6 mörk á 15 mínútna kafla.
,,Fyrst við tökum ekki gullið að þessu sinni þá kemur ekki til greina að sleppa bronsinu. Við rífum okkur upp og mætum grimmir í leikinn um þriðja sætið,“ sagði Aron, sem heldur betur hafið staðið sig vel á sínu fyrsta stórmóti með íslenska landsliðinu.