„Köstum þessu fáránlega frá okkur“

„Við ætluðum ekki að vera í þessari stöðu eftir leik,“ sagði Aron Pálmarsson, landsliðsmaður í handknattleik, eftir að Ísland tapaði fyrir Serbíu 29:26 í lokaleik sínum í A-riðli Evrópumótsins í Króatíu.

Ísland þarf nú að bíða ör­laga sinna. Ef Svíþjóð nær jafn­tefli eða sigri gegn Króa­tíu í síðari leik riðils­ins í kvöld þá er Ísland úr leik.

„Það er þreytandi að þurfa að treysta á aðra. Við ætluðum okkur sigur í þessum leik og vorum með þá. Köstum þessu fáránlega frá okkur undir lokin og gefum þeim þennan sigur,“ sagði Aron í beinni útsendingu við RÚV.

En hvað fór úrskeiðis undir lokin?

„Við töpuðum of mörgum boltum og það var lítil markvarsla. Þetta var mjög erfitt í seinni hálfleik og því fór þetta svona. Nú er að treysta á Króata að gera sitt,“ sagði Aron Pálmarsson.

Frétt af mbl.is

Ísland tapaði og bíður örlaga sinna

• 1 blogg um fréttina

Bloggað um fréttina

• Jóhann Elíasson: MENN SEM EINUNGIS GETA SPILAÐ ANNAN HÁLFLEIKINN HAFA EKKERT Í …