Drogba sér eftir ummælum sínum
Setja bókamerki
Didier Drogba, markahrókurinn í liði Chelsea, kveðst sjá mjög eftir þeim ummælum sínum við franska knattspyrnutímaritið France Football í vikunni að hann vildi komast burt frá Lundúnaliðinu.
Drogba gaf út yfirlýsingu í dag þar sem hann kvaðst vera leikmaður Chelsea, og stæði 100 prósent á bakvið knattspyrnustjórann, samherjana og félagið.
"Ég mun ekki ræða frekar framtíð mína fyrr en ég sest niður í einrúmi með forráðamönnum félagsins að þessu tímabili loknu," sagði í yfirlýsingu Drogba.
Í viðtalinu kvaðst hann vilja yfirgefa Chelsea í kjölfarið á því að José Mourinho hætti þar störfum sem knattspyrnustjóri. "Það er eitthvað að hjá Chelsea og það stórsér á leikmannahópnum. Ekkert getur hindrað mig í að fara héðan," sagði Drogba við France Football og nefndi Barcelona, Real Madrid, AC Milan og Inter Mílanó sem mögulega áfangastaði hjá sér.
Halla: Mér líður ótrúlega vel
Bláa lónið opnar á morgun
Beint: Talið upp úr kjörkössunum
Fékk ekki að kjósa á kjörstað
Of mikið af veganmat og hurð í andlitið
Mest spennandi kosningar síðan 1980
/frimg/1/49/60/1496092.jpg)
„Það er ekki leiðum að líkjast“
Íslandsbanki greiðir 570 milljónir í sekt