Enska knattspyrnusambandið sektaði í dag Chelsea um 40.000 pund, 5,2 milljónir króna, vegna óprúðmannlegrar framkomu leikmanna liðsins gegn dómaranum í viðureign Chelsea og Derby í lok nóvember.
Leikmenn Chelsea með fyrirliðann John Terry í broddi fylkingar gerðu aðsúg að Andre Marriner dómara leiksins eftir að hann vísaði Michael Essien að velli fyrir að slá til leikmanns Derby.
Chelsea hafði betur í leiknum 2:0 en á síðasta ári var félagið sektað um 30.000 fyrir svipaða uppákomu í leik Manchester United og Chelsea.