Ashley tilbúinn að selja Newcastle

Mike Ashley eigandi Newcastle íhugar nú að setja félagið á sölulista en öll spjót hafa staðið á honum eftir að Kevin Keegan ákvað að segja starfi sínu lausu sem knattspyrnustjóri félagsins. Stuðningsmenn Newcastle eru æfir út í Ashley og vilja fá hann í burtu en hann hefur dæld miklum peningum í félagið.

Ashley segist óttast um öryggi fjölskyldu sinnar en stuðningsmenn Newcastle gerðu aðsúg að honum á leik Newcastle og Hull í gær þar sem Newcastle tapaði á heimavelli fyrir nýliðunum.

„Félagið er til sölu. Ég vona að stuðningsmennirnir fái það sem þeir vilja og að næsti eigandi geti eytt þeim peningum í félagið sem stuðningsmennirnir vilja að hann geri,“ sagði Ashley.

• 2 blogg um fréttina

Bloggað um fréttina

• Gísli Foster Hjartarson: Fljótt breytast.....
• Rúnar Haukur Ingimarsson: Rúnar tilbúinn að kaupa Newcastle