Söguleg stund verður á Fratton Park í kvöld þegar heimamenn í Portsmouth leika sinn fyrsta Evrópuleik í sögu félagsins þegar það tekur á móti portúgalska liðinu Guimaraes í fyrri viðureign liðanna í 1. umferð UEFA-bikarsins.
Portsmouth tryggði sér keppnisréttinn í UEFA-bikarnum með því að verða enskur bikarmeistari á síðustu leiktíð eftir sigur á Cardiff í úrslitaleik.
Hermann Hreiðarsson verður í leikmannahópi Portsmouth en eins og í síðustu leikjum liðsins er reiknað með að hann hefji leik á varamannabekknum.