City sagt greiða 14 milljónir punda fyrir Bellamy

Manchester City mun greiða West Ham 14 milljónir punda, 2,6 milljarða íslenskra króna, fyrir framherjann Craig Bellamy að því er breskir fjölmiðlar greina frá í morgun en félögin komust að samkomulagi um kaupverðið í gærkvöld. Gianfranco Zola knattspyrnustjóri West Ham segist ætla að nota upphæðina til að styrkja leikmannahóp sinn.

Bellamy mun í dag ræða við forráðamenn Manchester City um kaup og kjör og í framhaldinu mun hann gangast undir læknisskoðun en welski framherjinn kom þeim skilaboðum til Zola á föstudaginn að hann vildi fara frá félaginu og ákvað Zola því ekki að tefla honum fram í leiknum gegn Fulham í gær.

West Ham keypti Bellamy frá Liverpool árið 2007 og greiddi fyrir hann 7,5 milljón punda en þessi 26 ára gamli sóknarmaður hefur koma víða við á ferli sínum. Hann hefur leikið með Norwich, Coventry, Newcastle, Celtic, Blackburn, Liverpool og West Ham.

• 1 blogg um fréttina

Bloggað um fréttina

• Jón H B: L O L