Guðjón: „Heyrði marga tala um að ég væri útbrunninn“

Guðjón Þórðarson og strákarnir hans í enska 2. deildarliðinu Crewe Alexandra eru á bullandi siglingu þessa dagana. Crewe hefur unnið þrjá leiki í röð í deildinni og frá því Guðjón tók við liðinu um áramótin hefur það innbyrt 15 stig af 24 mögulegum og á góða möguleika á að bjarga sér frá falli – nokkuð sem fæstir áttu von fyrir nokkrum vikum.

Í dag er sannkallaður sex stiga leikur hjá lærisveinum Guðjóns en þá mæta þeir Brighton á útivelli. Crewe er í þriðja neðsta sæti deildarinnar en Brighton er með stigi meira og með sigri í dag gæti Crewe komist úr fallsæti í fyrsta sinn á leiktíðinni.

,,Átta leikir og fimm sigrar. Maður getur ekki kvartað yfir því og ég er á undan áætlun því ég setti mér það markmið að ná í eitt og hálft stig í leik,“ sagði Guðjón þegar Morgunblaðið náði tali af honum í gær.

Í viðtali við Guðjón á íþróttasíðum Morgunblaðsins fer hann yfir ýmis mál sem tengjast Crewe. Hann tjáir sig einnig um brottreksturinn frá ÍA s.l. sumar.