Southgate vill Hermann

Middlesbrough, sem féll úr ensku úrvalsdeildinni í vor, hefur samkvæmt áreiðanlegum heimildum Morgunblaðsins sett sig í samband við Hermann Hreiðarsson leikmann Portsmouth og vill semja við hann til tveggja ára.

Gareth Southgate knattspyrnustjóri Middlesbrough er á höttunum eftir reynsluboltum og vill fá íslenska landsliðsfyrirliðann til liðs við sig en forráðamenn ,,Boro“ hafa tekið stefnuna á að fara beint upp í úrvalsdeildina á næsta tímabili.

Þá er Hermann með í höndunum tilboð frá Portsmouth en félagið hefur boðið honum að framlengja samning sinn um eitt ár.