„Ég er þessa dagana að ganga frá starfslokum mínum hjá félaginu og var einmitt að koma af mínum fyrsta fundi þess efnis, og það verða engin vandamál hvað þetta varðar. Ég stefni á að ganga þannig frá hlutunum að ég verði laus allra mála og geti þá farið án allra kvaða,“ sagði Guðjón Þórðarson í samtali við Morgunblaðið í gær.
Guðjón missti starf sitt hjá enska þriðjudeildarliðinu Crewe Alexandra um síðustu helgi en honum var sagt upp hjá félaginu eftir níu mánaða starf.
Viðtal við Guðjón má lesa í íþróttablaði Morgunblaðsins í dag.