Carvalho: Erum betri en liðið sem lék undir stjórn Mourinho

Portúgalski varnarmaðurinn Ricardo Carvalho leikmaður Chelsea segir að liðið sé betra nú en þegar það hampaði Englandsmeistaratitlinum undir stjórn Jose Mourinho.

,,Ég tel að það séu meiri gæði í liðinu núna. Í það minnsta eru aðrir leikmenn sem spila öðruvísi leikkerfi. Mér finnst liðið í framför frá fyrsta árinu undir stjórn Mourinho. Við höfum spilað vel, erum að fá lítið af mörkum á okkur og erum á toppnum“ segir Carvalho á vef félagsins.

Chelsea er með fimm stiga forskot á toppi ensku úrvalsdeildarinnar og er búið að tryggja sér þátttökurétt í 16-liða úrslit Meistaradeildarinnar.

• 1 blogg um fréttina

Bloggað um fréttina

• Björgvin Ólafur Gunnarsson: nú