Birmingham jafnaði 101 árs gamalt félagsmet

Birmingham er svo sannarlega eitt heitasta liðið í ensku úrvaldeildinni um þessar mundir. Nýliðarnir lögðu Stoke að velli, 1:0, á Britannia í dag og hafa nú spilað 11 leiki í röð án ósigurs sem er jöfnum á 101 árs gömlu félagsmeti. Cameron Jerome skoraði sigurmarkið og með sigrinum komst Birmingham upp fyrir Liverpool í 7. sæti deildarinnar.

,,Að hafa spilað alla þessa leiki án ósigurs er frábært afrek og við náðum í dýrmæt þrjú stig í dag. Við verðum að tryggja okkur nægilega mörg stig til að halda sæti okkar, allt umfram það er bara bónus. Ég sá einbeitinguna skína út úr andlitum minna manna í dag og ég er virkilega stoltur af liði mínu,“ sagði Alex McLeish knattspyrnustjóri Birmingham.

• 1 blogg um fréttina

Bloggað um fréttina

• Gísli Foster Hjartarson: Að jafna er eitt...