Terry: Skulda öllum Chelsea mönnum Evrópumeistaratitilinn

John Terry fyrirliði Chelsea segir að hann muni deyja sem óhamingjusamur maður ef honum tekst ekki að leiða Chelsea til sigurs í Meistaradeildinni. Lundúnaliðið hefur lagt allt kapp undanfarin ár að fara alla leið í keppninni en hefur ekki orðið að ósk sinni.

Chelsea hefur þátttöku í Meistaradeildinni í Slóvakíu í kvöld þar sem liðið mætir Zilina og eins og liðið hefur farið af stað á tímabilinu ættu Terry og samherjar hans að vinna öruggan sigur.

Terry fékk gullið tækifæri á að landa Evrópumeistaratitlinum árið 2008 en honum brást bogalistin í vítakeppni á móti Manchester United. Ári síðan sló Barcelona lið Chelsea út í undanúrslitum með marki frá Andres Iniesta í uppbótartíma á Stamford Bridge.

,,Fyrr en við vinnum Evrópumeistaratitilinn þá mun ég ekki deyja sem hamingjusamur maður. Ég geri mér það ljóst núna að falli úr Meistaradeildinni í fyrra hefur gert okkur sterkari í deildinni. En ég mun aldrei gefast uppá því að vinna Evrópumeistaratitilinn. Ég skulda öllum stuðningsmönnum hann eftir það sem gerði í Moskvu fyrir tveimur árum,“ sagði Terry við Chelsea sjónvarpið.