Liverpool stendur með Suárez
Setja bókamerki
Kenny Dalglish, knattspyrnustjóri Liverpool, sagði í dag að félagið stæði heilshugar með Luis Suárez sem væri ásakaður um að hafa sýnt kynþáttafordóma í garð Patrice Evra í leik liðsins við Manchester United um síðustu helgi.
Enska knattspyrnusambandið er með ágreining leikmannanna til skoðunar en Suárez lýsti strax yfir sakleysi í málinu. Alex Ferguson knattspyrnustjóri United tilkynnti á mánudag að Evra færi lengra með málið.
„Félagið í heild sinni og allir þar innanborðs standa fullkomlega og heilshugar á bakvið Luis Suárez í þessu máli. Eftir leikinn var hann sakaður um að láta sig detta útum allan völl og svo kom þessi ásökun frá Patrice Evra. Þarna eru miklar tilfinningar í gangi en við styðjum okkar mann í báðum málum og það gerum við allir. Málið var afgreitt innan félags í byrjun vikunnar og við segjum ekkert frekar. Nú bíðum við bara eftir fullkominni og gegnsærri skýrslu frá knattspyrnusambandinu," sagði Dalglish við ESPN.
Gosopið gæti stækkað á ný: „Eitthvað í aðsigi“
Norskur lögreglumaður dæmdur
Ólíkt ákall fólks á landsbyggðinni
Færri nota rafhlaupahjól eftir djammið
Ók á ofsahraða á móti umferð og uppi á stétt
Fjöldi brota ríflega sexfaldaðist