Laudrup: Vil gjarnan halda Gylfa hjá Swansea

Michael Laudrup, nýráðinn knattspyrnustjóri Swansea, sagði við fréttamenn í dag að hann vildi gjarnan semja við Gylfa Þór Sigurðsson um að leika með liðinu en Daninn var í dag kynntur til leiks sem knattspyrnustjóri velska liðsins.

„Þetta er sérstakt mál. Sigurðsson var hér í láni og stóð sig mjög vel. Hann á möguleika á að fara í annað lið en er í eigu félags í Þýskalandi. Ég vil gjarnan hafa hann hjá Swansea því hann gerði það mjög gott með liðinu,“ sagði Laudrup við fréttamenn.

Laudrup hefur ekki í hyggju að gera miklar breytingar á leikmannahópi Swansea fyrir næstu leiktíð.

„Það er engin skynsemi í því að ætla að kaupa sjö til átta leikmenn,“ segir Laudrup, sem kemur til Swansea eftir að hafa spreytt sig sem þjálfari hjá Bröndby, Getafe, Spartak Moskva og Real Mallorca.

• 1 blogg um fréttina

Bloggað um fréttina

• Gaman Ferðir: Hvað gerir Gylfi?