Suárez: Liverpool verður að hlusta

Luis Suárez, leikmaður Liverpool, er af mörgum talinn á útleið hjá félaginu en hann hefur þó ekki beðið um að vera seldur. Real Madrid er sagt á höttunum eftir Úrúgvæjanum og vill framherjinn að Liverpool hlusti á þau tilboð sem berast í hann.

Suárez hefur greint frá áhuga sínum að ganga í raðir Real Madrid en verði hann áfram á Englandi hefur hann leiktíðina þar í sex leikja banni.

„Fyrst og fremst er ég með samning við Liverpool,“ segir Suárez við Marca. „En ef ég vil einn daginn fara til annars liðs þarf Liverpool að hlusta á tilboðið eins og það gerir við aðra leikmenn.“

„Liverpool þarf að komast að samkomulagi við hitt liðið en orð leikmannsins, mín í þessu tilfelli, eru mikilvæg. Ef leikmaðurinn telur sig þurfa breytingu þarf að hlusta á hann.“

„Allir leikmenn vilja vera sá besti. Ef þið spyrjið átta ára barn í dag myndi það segjast einn daginn vilja spila fyrir Barcelona eða Real Madrid,“ segir Luis Suárez.

• 1 blogg um fréttina

Bloggað um fréttina

• Ægir Óskar Hallgrímsson: Það þarf tilboð að berast....