Phil Jones, leikmaður Manchester United, verður frá keppi næstu tvær vikurnar eða svo vegna hnémeiðsla en þetta staðfesti David Moyes, knattspyrnustjóri liðsins, fyrir leikinn gegn Hull í dag.
Jones átti við ýmis meiðsli að stríða í byrjun leiktíðar en var búinn að byrja síðustu sjö leiki United í öllum keppnum og spila vel. Hann meiddist á æfingu í vikunni og verður eins og áður segir frá í það minnsta tvær vikur.
Það er því gott fyrir United að Darren Fletcher og Michael Carrick eru að koma til baka eftir veikindi og meiðsli. Fletcher byrjaði í 3:2-sigrinum gegn Hull í dag og Carrick kom inn á sem varamaður.