Landsliðsfyrirliðinn Aron Einar Gunnarsson var í byrjunarliði Cardiff City þriðja leikinn í röð þegar Cardiff mætti Ipswich Town í 14. umferð ensku B-deildarinnar í knattspyrnu á Portman Road, heimavelli Ipswich í dag.
Leiknum lyktaði með markalausu jafntefli. Þetta var sjötti leikur Arons Einars í deildinni í vetur, en hann glímdi við meiðsli og var úti í kuldanum hjá liðinu í upphafi tímabilsins.
Cardiff eru taplausir í síðustu fimm leikjum liðsins í deildinni og sitja í áttunda sæti deildarinnar með 22 stig, tveimur stigum frá umspilssæti.