Kurt Zouma miðvörður enska knattspyrnuliðsins Chelsea verður frá keppni næsta hálfa árið hið minnsta en nú er komið í ljós að hann sleit krossband í hné í leiknum við Manchester United í gær.
Zouma skýrði sjálfur frá þessu á Twitter fyrir stundu og upplýsti að myndatökur í dag hefðu leitt þetta í ljós.
Hann verður að óbreyttu ekki tilbúinn í slaginn þegar nýtt keppnistímabil hefst í ágúst. Zouma er 21 ára gamall Frakki sem kom til Chelsea frá Saint-Étienne árið 2014 og hefur spilað tvo landsleiki fyrir Frakkland.
Scan today has shown I injured my ACL. I will have surgery this week & will come back stronger. Thank you everyone for all the messages 🙏🏻🙏🏻
— Kurt Zouma (@KurtZouma) February 8, 2016