Jack Butland markvörður enska úrvalsdeildarliðsins Stoke City og einn af markvörðum enska landsliðsins verður frá keppni næstu þrjá mánuðina í það minnsta vegna meiðslanna sem hann hlaut í leik Englendinga og Þjóðverja í Berlín í gærkvöld.
Butland fór meiddur af velli undir lok fyrri hálfleiks og nú hefur komið í ljós að hann braut bein í ökklanum og þar með er ljóst að hann missir af Evrópumótinu í Frakklandi í sumar.
Butland, sem er 23 ára gamall, hefur leikið sérlega vel með Stoke á leiktíðinni en hann spilaði sinn fjórða leik með enska landsliðinu í gær.
Today's scan revealed I've fractured my ankle, absolutely devasted! I'll be doing everything I can to get back fit as soon as I can! 👊🏼🙏🏼
— Jack Butland (@JackButland_One) March 27, 2016