Walter Zenga hefur verið rekinn úr starfi sem knattspyrnustjóri enska B-deildarliðsins Wolves. Með liðinu leikur íslenski landsliðsmaðurinn Jón Daði Böðvarsson.
Zenga tók við Wolves í lok júlí og var því rekinn eftir tæpa þrjá mánuði í starfi. Gengi Wolves hefur ekki verið gott í síðustu leikjum. Liðið hefur tapað fjórum af síðustu fimm leikjum og er í 18. sæti B-deildarinnar.
Zenga, sem er fyrrverandi markvörður ítalska landsliðsins í knattspyrnu, lék megnið af leikmannsferli sínum með Inter Milano. Hann lék 58 landsleiki fyrir Ítalíu og hefur stýrt Catania, Palermo, Sampdoria, Al-Shaab og Wolves á þjálfaraferlinum.