Petr Cech aðalmarkvörður Arsenal verður frá keppni næsta mánuðinn vegna meiðsla í kálfa sem hann varð fyrir í tapi Arsenal gegn WBA í ensku úrvalsdeildinni um síðustu helgi.
Cech á þar með á hættu að missa af leik sinna mann gegn Manchester City í undanúrslitum ensku bikarkeppninnar sem fram fer á Wembley þann 22. apríl.
Kólumbíumaðurinn David Ospina mun taka stöðu Cech í næstu leikjum en allt hefur gengið á afturfótunum hjá Lundúnaliðinu síðustu vikurnar en það hefur tapað sex af síðustu níu leikjum sínum í öllum keppnum.