Ander Herrera miðvallarleikmaður Manchester United segir að liðið sem hafi betur í rimmu Manchester City og United á fimmtudaginn muni enda á meðal á fjögurra efstu liða í deildinni og tryggja sér sæti í Meistaradeildinni.
„Þetta verður leikur tímabilsins. Við erum stigi á eftir þeim og ef við vinnum þá eigum við góða möguleika að enda á meðal fjögurra efstu. Ef City vinnur þá verður þetta mjög erfitt,“ segir Herrera á vef Independent.
Manchester City hefur 64 stig í fjórða sæti deildarinnar en United, sem hefur ekki tapað síðustu 23 leikjum sínum í deildinni, er með 63 stig í fimmta sætinu.
„Við erum í góðum gír um þessar mundir. Við berum virðingu fyrir City en við höfum verið að gera góða hluti og þurfum að gera það á fimmtudaginn,“ segir Spánverjinn.