Þjálfari Everton lofsyngur Gylfa

Marco Silva, knattspyrnustjóri Everton, hrósaði Gylfa Þór Sigurðssyni í hástert eftir að íslenski miðjumaðurinn skoraði sigurmarkið í 1:0-sigri á Cardiff í ensku úrvalsdeildinni í dag.

Gylfi var þar að mæta landsliðsfyrirliða sínum, Aroni Einari Gunnarssyni, sem spilar með Cardiff en það voru Gylfi og félagar sem höfðu betur, þökk sé marki Gylfa á 69. mínútu leiksins. Eftir leik fór Silva í viðtal við Sky Sports og hafði Portúgalinn ekkert nema góða hluti um leikmann sinn að segja.

Frétt af mbl.is

Gylfi fékk 9 og maður leiksins hjá Sky

„Hann er að spila vel jafnframt því að við erum að spila vel,“ sagði Silva eftir að Everton vann sinn fjórða heimaleik í röð. „Hann skilur betur og betur hvað ég vil, hvernig hann á að hreyfa sig og hvar hann á að fá boltann á vellinum.“

„Hann er góður leikmaður sem getur skilað sér inn í teig og ég vil að leikmaður í hans stöðu geri það. Hann er frábær atvinnumaður sem leggur hart að sér á hverju degi og það er auðvelt að sjá af hverju hann spilar vel inn á vellinum.“

Þá var Gylfi val­inn maður leiks­ins á Sky Sports en hann fékk 9 í ein­kunn fyr­ir frammistöðu sína. Aron Ein­ar fékk 7 í ein­kunn í liði Car­diff. Gylfi var einnig val­inn maður leiks­ins hjá BBC.

• 1 blogg um fréttina

Bloggað um fréttina

• Ómar Ragnarsson: Eflist við hverja raun.