Enski markvörðurinn Dean Henderson er búinn að kveðja Sheffield United eftir tveggja ára lánsdvöl þar og er nú nálægt því að skrifa undir nýjan samning hjá Manchester United, þar sem hann hefur verið á mála síðan 2011 eða þegar hann var 14 ára gamall.
Henderson varði mark Sheffield í B-deildinni og hjálpaði liðinu að komast upp í efstu deild. Hann var svo stórgóður með liðinu í úrvalsdeild á síðustu leiktíð en hann er 23 ára gamall.
Sky Sports segir nú frá því að hann ætlar að skrifa undir nýjan langtímasamning í Manchester og berjast við David de Gea um markvarðarstöðu liðsins.