Ryan Giggs, fyrrverandi leikmaður Manchester United og landsliðsþjálfari Wales, er mættur aftur í enska fótboltann. Er Giggs orðinn yfirmaður knattspyrnumála hjá enska D-deildarliðinu Salford City.
Giggs á einnig hlut í félaginu, ásamt Nicky Butt, Gary Neville, Phil Neville, Paul Scholes og David Beckham sem léku með honum hjá United á sínum tíma.
Giggs hefur ekki þjálfað síðan hann hætti með Wales í kjölfar þess að hann var ákærður fyrir heimilisofbeldi, en hann var sýknaður þar sem ekki bárust næg sönnunargögn til að mynda nægilega sterkt mál.
Ryan Giggs lék allan feril sinn hjá Manchester United en hann lék 672 leiki með aðalliði félagsins og skoraði í þeim 114 mörk.
Giggs vann ensku úrvalsdeildina með Manchester United 13 sinnum og vann Meistaradeild Evrópu tvisvar með liðinu.