Brasilíski knattspyrnumaðurinn Gabriel dró sig úr leikmannahópi brasilíska landsliðsins í gær vegna meiðsla.
Dorial Júnior, landsliðsþjálfari Brasilíu, greindi frá þessu en Gabriel, sem er 26 ára gamall, hefur verið í lykilhlutverki í varnarleik Arsenal undanfarin ár.
Landsliðsþjálfarinn greindi hins vegar ekki frá því hvað væri nákvæmlega að hrjá leikmanninn en Brasilía mætir Englandi og Spáni í tveimur vináttulandsleikjum í landsleikjahléinu.
Miðvörðurinn hefur leikið frábærlega með Arsenal á tímabilinu og skorað fjögur mörk í 26 leikjum í ensku úrvalsdeildinni á leiktíðinni.
Arsenal trónir sem stendur á toppi deildarinnar með 64 stig, jafnmörg stig og Liverpool, en með mun betri markatölu en Liverpool.