Felipe Massa hjá Williams var ekkert að tvínóna við hlutina eftir að hann féll úr leik á fyrsta hring í Melbourne. Hvatti hann til þess að Kamui Kobayashi hjá Caterham yrði dæmdur í keppnisbann fyrir að heyra á sig við fyrstu beygju.

Báðir féllu þeir Massa og Kobayashi úr leik vegna árekstursins sem átti sér stað aðeins nokkrum sekúndum eftir startið. Caterhambíllinn kom eins og plógur aftan á Williamsbílinn við fyrstu beygju og skemmdist mjög mikið. 

Pat Symonds tæknistjóri Williams sagði framferði Kobayashi „klára mklikkun“ og Massa jafnaði því við atvik í ræsingunni í belgíska kappakstrinum 2012 sem kostaði franska ökumanninn Romain Grosjean eins móts keppnisbann.

„Þetta var ekkert svo frábrugðið því sem Grosjean gerði í Spa og fékk bann fyrir. Þetta er mjög hættulegt og menn mega þetta alls ekki,“ sagði Massa.

Kobayashi játaði sekt sína og bað Massa formlega afsökunar. Í ljós kom síðar, að bremsur Caterhambílsins höfðu bilað og sök Kobayashi sjálfs því ekki eins afdráttarlaus.

Felipe Massa horfir undrandi til Kamui Kobayashi um leið og hann kemur sér út úr Williamsbílnum eftir óhappið í Melbourne. mbl.is/afp

Tengdar fréttir

Formúla-1/Williams

Ráða Russell og Latifi út 2021

• Kubica hættir hjá Williams
• Alfa Romeo svipt stigum sem fara til Williams
• Williams með „spennandi“ uppfærslur
• Æfingu hætt vegna brunnloks

» Fleiri tengdar fréttir

• Blogga um frétt