Vettel kaupir Ferrari
Setja bókamerki
Ítalska íþróttadagblaðið La Gazzetta dello Sport hefur gert mikið úr því að Sebastian Vettel hefur keypt eðalsportbíl hjá Ferrari, módelið Ferrari California.
Fræga fólkið getur sjaldnast um frjálst höfuð strokið og ljósmyndarar eltir það á tímum á röndum. Hafi Vettel viljað láta lítið fara fyrir bílkaupum þessum brugðust þær vonir.
Enn af ljósmyndurum þessum, svonefndum paparazzi, var staddur við bílasöluna og smellti vitaskuld af.
Ekki mun Vettel þó sjást á bíl þessum á kappaksturshelgum því þar brúkar hann bíla frá Infinity, einu af helstu styrktarfyrirtækjum Red Bull liðsins.
Og bíllinn mun heldur ekki standa við hús hans heima í Þýskalandi því bílinn keypti hann að gjöf fyrir föður sinn, Norbert. Númeraplatan HP N1 er sérpöntuð en HP stendur fyrir fæðingarbæ hans Heppenheim og N1 fyrir föðurnafnið.
En gefur þetta einhverja vísbendingu um hvar Sebastian Vettel keppir í framtíðinni? Blaðið Gazzetta dello Sport rifjar upp í því sambandi, að til Michaels Schumacher hafi sést á Ferrari F355 á götum Mónakó árið 1995. Allir vita hvernig það endaði, árið eftir var hann orðinn keppandi fyrir Ferrari.
Skiptir miklu meira máli en fólk grunar
Hvorki sést áður hér á landi né annars staðar
Kaldasti veturinn kom að óvörum
„Höfum ekki náð að skríða upp úr þeirri gryfju“
/frimg/1/48/74/1487454.jpg)
Heldur inn í nóttina tuttugu kílóum léttari
Handteknir eftir myndatöku í Vesturbæjarlaug
Sex hafa greinst með listeríu