Bara Bottas með nýjan væng
Setja bókamerki
Valtteri Bottas verður með nýjan framvæng á bíl sínum sem Williamsliðið hefur þróað. Aðeins eitt eintak er enn til og notast Felipe Massa því áfram við eldri útgáfu vængsins.
„Hjá okkur gildir sú regla, að ökumaður sem fleiri stig hefur unnið, hefur forgang að nýjum íhlut,“ segir Bottas við blaðið Turun Sanomat. Algengt er hjá liðum að hlutkesti sé látið ráða og önnur lið, til dæmis McLaren, fara þá leið að láta ökumennina njóta forgangs til skiptis.
Bottas og Massa hafa verið tiltölulega jafnir í stigaveiðinni og munar á þeim aðeins þremur stigum fyrir ungverska kappaksturinn.
Williamsliðið gerir sér þær vonir að nýi vængurinn styrki keppnisbílinn gagnvart eiginleikum brautarinnar í Hungaroring. Óttast það að knöpp og bugðótt brautin henti FW37-bílnum ekki sem best.
„Við viljum þó ekki afskrifa helgina fyrirfram. Í fyrra varð ég þriðji hérna í tímatökum og kappaksturinn gekk einnig vel. Vonandi eykur nýi vængurinn vængpressu bílsins með þeim hætti sem við sækjumst eftir. Slíkt yrði til mikilla bóta,“ segir Bottas.
Sex hafa greinst með listeríu
Kostnaður meiri en milljón á fermetra
Telur forsendur fyrir vaxtalækkun
Vonast til að tjaldbúðir við HÍ standi áfram
Hvorki sést áður hér á landi né annars staðar
„Höfum ekki náð að skríða upp úr þeirri gryfju“
Krefjast stöðvunar framkvæmda